ORANJESTAD (AAN): Den e proximo seminario di Grant Thornton Aruba cu lo tuma lugar awe 8 di decemeber, comerciantenan y henter pueblo di Aruba
cu ta interesa por haya sa mas di e cambionan fiscal cu lo tuma lugar na 2023 na unda cu Aruba lo bay over na un sistema di BTW, tambe profesionalnan lo elabora riba Human Capital y con empresanan por beneficia den nan organisacion door di inverti den nan mesun empleadonan.
Ademas lo trece e cambionan cu a tuma lugar den tereno di e ley pa combati labamento di placa , AML/CFT compliance y lo elabora mas over di e retonan den e mundo di Cybersecurity y IT assessment y con empresanan local por beneficia di un bon systema di seguridad.
Manera ta conoci, Aruba lo bay over pa un BTW-systeem na 2023. Na november, Grant Thornton Aruba a reuni cu minister di Finansa Xiomara Maduro pa brinda informacion tocante e sistemanan indirecto di belasting cu tin na Aruba.
Grant Thornton a comparti nan experiencianan cu e diferente sistemanan y asina por a ilustra na minister e shortcomings y pitfalls den un sistema di ABB y a recomenda na minister Maduro pa Aruba bai over pa un sistema di BTW. Ademas di esaki a indica na minister kico lo ta un bon BTW-systeem pa Aruba, ya cu tin diferente manera pa richt in un BTW.
Akinan a splica minister e diferencia y beneficio di un moderne BTW systeem y a duna recomendacionnan riba esaki. E consehonan aki tambe a wordo comparti cu diferente gremio; entre otro AHATA, Comerciantenan Uni, Kamer van Koophandel.
Durante e seminario di Grant Thornton Aruba tambe lo tin un panel discusion unda representantenan di Banco Central y Camara di Comercio (KvK) lo tey presente. Despues di e panel lo tin posibildad pa network y delibera ariba e topiconan menciona.
