Clientenan di Funari a pasa hopi dushi y kier ripiti e bishita na Glitz pronto

ORANJESTAD(AAN): Diahuebs e clientenan di Funari bao di guia di Brenda Rasmijn Maduro y algun stagiaire di EPI a bishita Glitz Casino y nan a pasa masha dushi mes.

Banda di hunga slot machine, e 22 miembronan di e grupo a bebe y come cosnan dushi, mientras cu nan tabata den un lugar cu a pone nan sinti na cas.

Tabata e clientenan mes kendenan a scoge pa bishita e Casino y ya caba nan a duna di conoce cu no ta bay ta ultimo biaha pa e temponan aki cu nan lo bishita e lugar.

Banda di esaki Maduro y e stagiairenan di EPI ta trahando duro preparando otro actividadnan pa e clientenan.