Ciudadano feliz cu su cosecha di Melon y Turmeric

ORANJESTAD (AAN): Siman pasa, Santa Rosa a haya informacion agradabel di un ciudadano local.

  Algun tempo pasa el a dicidi na cuminza cu su hofi na cas.  Pues a cuminsa dedica tur su tempo na esaki, siguiendo consehonan ricibi, y a planta su simiñanan.

   Siman pasa el a informa Santa Rosa, cu uzando awa di WEB, el a mustra nan e prome Melon cu el a cosecha.  Esey no ta tur, pasobra el a cosecha Turmeric fresco tambe.  Esey ta sigur un ingrediente pa uza den preparacion di cuminda, of pa recetanan crioyo pa remedi.

   Santa Rosa ta orguyoso di e ciudadano aki su cosecha.  Por mira pues cu bo por cuminsa chikito, pero e importante ta pa cuminza.