Cinco militar di ARUMIL a wordo promovi awor como Korporaal

ORANJESTAD (AAN): Recientemente e di dos parti di e lesnan di “Voortgezette Vakopleiding” (VVO) di Defensa Hulandes,

a yega su fin tambe durante un ceremonia na Curacao.  Den esaki tambe tin 5 militarnan ARUMIL for di Aruba.

   E ceremonia a tuma lugar na kazerna di Marina Hulandes na Suffisant na Curacao, unda tabatin un defile cu tambor y pijpers di Korps Mariniers.

   Siete militar di ARUMIL y CURMIL a caba di completa nan ‘Final Excercise’ (FINEX) pa e VVO aki.  Awor cu nan a logra di completa e curso, e militarnan aki lo wordo promovi pa Korporaal.

   E siete militarnan aki a forma parti di un grupo cu prome cu verano a slaag caba.  Di e grupo aki, 5 ta di Aruba (ARUMIL) y 2 ta di Curacao (CURMIL).

   DIARIO ta felicita e Korporaalnan nobo aki cu nan a logra nan VVO.