Di 17 pa 55 caso nobo den un dia
ORANJESTAD (AAN): Crisis Team y Departamento di Salud (DVG) a informa diamars cu segun resumen, un total di 55 caso nobo di COVID-19 a keda registra cual 8 ta turista y 47 ta residente cu ta representa un 'positivity rate' bao di e residentenan di 19.6%.
Di e 8 turistanan 4 a test na salida for di Aruba y 4 durante nan estadia riba Aruba.
Cantidad di casonan activo di COVID-19 ta 252 y cantidad di fayecidonan relaciona na COVID-19 ta 109.
Datonan ta indica un subida continuo di casonan nobo cu un average semanal di 29 caso pa dia y un average di 'positivity rate' semanal di 17.8%.
Hospital tin 7 persona interna di cual 2 ta den ICU como caso activo y 1 ta den ICU como caso ya inactivo y riba piso general tin 4 persona interna di cual 2 ta caso activo y 2 ya inactivo.
