Actualmente na Aruba tin 47 persona interna debi na COVID - *56 caso nobo y 653 caso activo
ORANJESTAD (AAN): Riba diabierna a constata cu cifranan di Covid-19 na Aruba ta bayendo den un tendencia na disminucion.
Departamento di Salud y Crisis Team a indica cu segun resumen 103 persona a recupera y un total di 56 caso nobo di COVID-19 a keda registra cual 8 ta no residente y 48 ta residente.
E cifranan aki ta representa un 'Positivity rate' bou di residentenan di 21%.
Cantidad di casonan activo di COVID-19 ta 653 y cantidad di fayecidonan relaciona cu COVID-19 ta 133.
Datonan di COVID ta ilustra casonan nobo cu un average semanal di 71 caso pa dia y un average di 'positivity rate' semanal di 24% pa dia.
Actualmente na Aruba tin 47 persona interna debi na COVID di cual 12 ta den ICU y 35 riba piso general y na Colombia tin actualmente 17 persona den Cuido Intensivo.
