Cifranan di Covid-19 keto bay ta bahando

ORANJESTAD (AAN):   Crisis Team a informa diaranson cu 19 persona a recupera y a registra un total di 10 caso nobo di Covid-19, di cual 1 ta no-residente.

E cantidad total di testnan ehecuta diamars na e diferente localidadnan na Aruba, entre otro laboratorio di hospital, laboratorionan priva y aeropuerto ta 497 test. 'Positivity rate' entre residentenan ta 6%.

Casonan activo ta 70 (54 residente). E cantidad di fayecido relaciona cu Covid-19 ta na 105.

Hospital a informa cu tin un total di 18 persona interna di cual 8 ta den Cuido Intensivo y 10 riba unidad general di Covid (tur residente).