Chris Kross y Robert Jeandor ta bay pone un dushi ambiente na ‘Unity for a Cause’

ORANJESTAD (AAN): Riba 31 di Mei ta bay tuma lugar un actividad na Cruz Cora yama Unity for a Cause,

unda cu e entretenimento ta bay ta den man di Robert Jeandor or y su Solo Banda Show y Chris Kross.

Durante un conferencia di prensa Jeandor a splica cu e ta haya un inmenso placer pa un biaha mas e por aporta na e bon causa di Cruz Cora.

“Manera varios aña ki a hacie caba, nos lo bin cu bon musica pa pone un hopi bon ambiente”.

Ta e obligacion di Rober Jeandor y su Solo Banda Show pa bin cu un ambiente agradable, pa asina tur hende por gosa cu nos riba e anochi ey, segun Jeandor.

Di su banda Chris Kross tambe a hiba palabra y a indica cu e ta bay duna un presentacion super special.

“Mi ta bay ta e prome riba e anochi pa duna un presentacion, pues mi ta habri pa Robert Jeandor, pues mi ta super excited pa esey”.

Mi ta bay toca musica hopi alegre y uplifting y mi ta super contento y super orguyoso pa por colabora cu e Rode Kruis y mi ta spera di por sigui haci esaki den futuro, segun Kross.