ORANJESTAD (AAN): El a bay hunga su numbernan preferi pa e sorteo di Big 4, y el a gana tambe!
Pesey Charline a presenta Diabierna na oficina di Lotto na Playa pa reclama su premio.
Aki e funcionarionan di Lotto a revisa su ticket pa check si el a pone su firma na e banda patras di e ticket, hunto cu su numbernan di banco. Ora di scan e barcode den computer, esaki a confirma mesora cu Charline a gana 10.000 Florin cu e wega di Big 4 Merdia.
Mesora a sigui cu e proceso pa transferi e premio electronicamente pa su cuenta di banco. Charline a indica cu e ticket ganador el a cumpra na Rockies Lottery Noord.
