Jeannette Richardson-Baars di CMMA:
ORANJESTAD (AAN): Diabierna mainta tabata tin un conferencia na Bureau Rampenbestrijding Aruba (BRA) caminda Jeannette Richardson-Baars kende ta Directora di Coördinatie Centrum Mensenhandel Mensensmokkel Aruba (CMMA) a anuncia nan proximo campaña di conscientisacion tocante traficacion y contrabanda di hende.
El a indica cu nan ta habri pa papia cu tur organisacion cu tin interes den e topico di prevencion di traficacion di hende.
El a agrega cu nan ta bezig caba cu scolnan. Den e les pakket tambe ta bay hinca e parti di esaki aden y ta spera cu den e proximo lunanan por tin tur scol envolvi den e sistema di e 'les pakket' cu ta duna informacion riba traficacion y contrabanda di hende, pero tambe tocante e peligernan di comunicacion online.
Ta spera cu door di esey por yega na hopi mucha, docente como tambe mayor, a señala.
Richardson-Baars a sigui bisa cu e campaña tin dos variacion: un pa mucha y otro pa adultonan pa yuda nan pa hiba e combersacion.
Si tin organisacionnan interesa pa comunica cu CMMA pa haya les tocante e problematica y e 'online safety campaign' por comunica por medio di e email This email address is being protected from spambots. You need JavaScript enabled to view it. , a finalisa bisando.
