Marinus Wegereef:
*Nan lo yuda mehora e tecnicanan di seguridad
ORANJESTAD (AAN) – Marinus Wegereef, den su conferencia di prensa relaciona cu e Centro di Training pa Husticia (Justitieel Trainingscentrum)Tino Ruiz, a splica cu e prome tres añanan no tabata nada facil; mester a convence hopi hende, specialmente e centronan financiero pero nan a logra un parti financiero cu Qredits.
E proyecto special aki tin e balor di un cas, Wefereef a subraya. “Nos lo bay traha cu un compania di Hulanda cu yama SPS. E lo bin carga e idea na Aruba pa esnan cu ta traha den seguridad. Nos kier upgrade nan, pa nan ta certifica. Pa esnan cu ta traha den seguridad na hotel, nos a sinta cu Aruba Security Foundation caba, y nan a gusta e idea pa esnan cu ta traha den seguridad haya un sorto di carnet passport na unda nan ta certifica pa haci nan trabao, pa hotel no mester busca nan credencial”, Wefereef a señala.
Wegereef a agrega cu e curso cu e Centro ta bay duna, ta bay traha profiling, con nan ta handle cu esnan cu ta bebe un tiki di mas, pa no escala den agresividad, y ki momento mester yama polis. Y asina tin hopi tema, di cual comunicacion ta un di nan. Tin un par di tecnica cu ta bay bin con nan defende nan mes. El a gradici señor Patrick, di Hulanda, cu ta bay bin yuda mehora e sistema di seguridad. Seguidamente, señor Khayri Heyliger, Junior Champion di Aruba, a hiba palabra. El a bisa cu esaki ta un sistema nobo pa nan como champions di IPS & Shutting, pa nan por inverti mas nan tempo y no mester inverti nan cen den bala mas, manera nan ta haci. Esaki ta resulta hopi miho y mas facil pa nan pasobra tin hopi escenario di IPS cu ta yuda nan bay dilanti y hisa nan velocidad.
El a splica cu e sistema nobo aki ta hopi safe y cu hopi mayor por laga nan yiunan bin pasobra nan ta sinti mas liber y no tin e miedo cu algo por pasa nan yiu. Heyliger ta haya cu hopi mas hende lo ta interesa den sa e safety di e arma, y sa cu arma no ta algo malo pa hende, pero hende mester sa con pa deal y move cune, pasobra manera ta wordo bisa “si no ta touch nada ta pasa; nada por bay robes cune”.
Heyliger ta invita tur hende cu por pasa na e “Justitieel Trainingscentrum Tino Ruiz” e dia di nan open dag cu lo bay tuma lugar.
