ORANJESTAD (AAN): Dia 4 di mei 2022, e muraya “ Junt@s contemos al mundo como vivimos la pandemia” a keda formalmente inaugura.
Un proyecto conhunto di CBDD y OIM pa sensibilisa e comunidad acerca di salud mental di tur mucha y adolescente durante e pandemia, inclui migrantenan. Tabata tin rond di 7 participante den un di e etapanan di e proyecto.
Sueli Kelly, asistente di proyecto di OIM encarga di ehecuta e proyecto ta menciona cu ta importante pa tin espacionan safe na unda cu e menor di edad por expresa su emocion, sentimento y pensamentonan di loke nan a biba durante e pandemia pa medio di arte, como un forma positivo di wordo valida. Tambe pa e menor di edad no tin consecuencianan adverso riba su salud mental a largo plazo.
E artista local TAKI, kende tabata encarga di e ehecucion di e muraya conhunto cu e muchanan y adolescente. A indica cu e mucha y adolescentenan tin hopi di bisa y nan mester di un espacio pa expresa nan emocionnan. P’e artista tabata un experiencia agradabel pa wak con e muchanan y adolescentenan ta expresa nan emocionnan y transforma esaki den un expresion artistico. E ideanan a bin di e menornan di edad y semper mustrando colaborativo y sin competi cu otro. E muraya tin un concepto interesante. Esaki ta wordo refleha riba e muraya, cual a wordo parti den dos, den parti cla y parti scur. Loke ta representa un “tempo di lama” na unda cu den e parti scur a pinta simbolonan manera: lamper y cadaver cu ta representa e miedo c unan a sinti durante e pandemia y e parti cla ta representa e momentonan bon di e pandemia.
Sneilys, uno di e participantenan a papia tocante e miedo cu e la sinti y e retonan cu e pandemia COVID-19 a trece den su bida. Tambe e participante a expresa cu hopi biaha e muchanan y adolescentenan ta esnan cu ta wordo lubida y cu no semper nan bos ta wordo scucha. E oportunidad aki tabata hopi satisfactorio p’e participante.
Ademas, Sneilys a reflexiona tocante e aspectonan positivo di e pandemia e menor a expresa cu COVID-19 a permiti pa e famianan convivi mas cu otro y e pandemia a siña nos ta resiliente.
IOM kier a manifesta gratitud n’e mayornan y Centro di Bario y Deporte Dakota pa haci e muraya aki posibel cu tambe tabata un actividad di inclusion di e migrantenan den e comunidad, pa un sociedad pa nos tur.
E Organizacion Internacional pa Migracion estableci na aña 1951, ta e organizacion intergubernamental lider den e tereno di migracion y ta consagra n’e principio cu migracion mester ta di forma ordena y den condicionnan humano cu ta beneficia e migrante y e sociedad.
OIM ta forma parti di e Sistema di Nacionnan Uni. OIM ta brinda asistencia humanitario n’e migrante y refugiadonan venezolano na Aruba.
