Centro di Bario Savaneta ta anfitrion di e ultimo edicion di BAN CAYA pa 2024

ORANJESTAD (AAN):  BAN CAYA otro proyecto di BARIO UNiCo cu ta cay bou do CEDE ARUBA lo wordo organisa dia 28 di September.

Centro di Bario savaneta lo ta e anfitrion pa e ultimo edicion di BAN CAYA 2024.

E celebracion di comunidad aki lo wordo celebra den e caya dilanti di pisina olimpico Roly Bisslik te cu entrada Veld di La Fama, pasa dilanti di Centro di Bario pasa rond dilanti Funari.

Cayanan lo wordo sera pa 2 or di merdia caba y evento lo cuminsa pa 4 or di atardi te cu 8 di anochi, lo habri caya bek pa 9 or di anochi.

            Un total di 40 diferente instancia lo tey pa sea duna informacion di nan fundacion, demostración di nan club deportivo of cultural.

            E edicion aki lo ta yena cu ambiente di awa, dunando atencion na esnan cu a haci historia acuatico, sea ta piscado, landado of deportistanan cu den nan trayectoria a haci Aruba contento y orguyoso den cualkier deporte riba lama. Ta recomendabel pa bin cu bo paña fresco y serbete pa asina por disfruta di weganan di awa. Un danki na Brandweer Aruba y RYGF pa nan contribucion.

            Lo tin skina di CUNUCU, skina di ARTE unda lo tin exposicion di diferente obra. Algún evento ta inclui, zumba, obstaculonan usando awa, Coasta guard cu su boto, siña con pa pisca, futbol, capoeira, landamento, futbol, baseball, volleball, show di moda, baile, canto, scouting ELMAR lo duna informacion valioso. Diasabra 28 di September lo sera BAN CAYA cu 3 banda di Savaneta

cu ta Songo, SOUNA y como regalo pa Savaneta, Michael Lampe hunto cu DATAPANIC lo sera e evento di BAN CAYA.

            Team BAN CAYA hunto cu boluntarionan ta cla pa organisa e di 5 BAN CAYA Aquatic edition rond di cayanan di Centro di Bario Savaneta. Publico di Savaneta, Pos Chikito, Sanicolas y henter Aruba ta invita, bin informa bo mes di kico tur e centro di bario tin pa ofrece.

            Un danki sigur na tur e stakeholdernan cu ta yuda carga e proyecto aki cu ta IBiSA, Centronan di Bario, Boluntarionan y tur instancia cu ta core hunto cu BAN CAYA den e Barionan di Aruba. Bikers squad, Brandweer, RYGF.