Celebrando hubilario special na Do It Center

ORANJESTAD (AAN): Gerencia y demas trahadornan di Super Do It Center, a reuni pa asina felicita y Leonario Werleman,

mihor conoci como ‘Nai’, kende a observa e hecho cu 15 aña pasa el a drenta den servicio cu e compania.

   Gerencia a presenta Nai cu un bunita plaquette, como tambe un certificado, y e acostumbrado envelop. 

   A splica cu esaki tabata diescinco aña di dedicacion, crecemento, y excelencia.  Nai a mustra con e por maneha trabao duro y keda dedica na pusha e compania bay dilanti.  Pesey mes tur demas colega a yega y felicit’e, cu e deseo pa e keda hopi mas aña cu nan dunando e bon servicio.