Celebracion y Cena di Pasco di scol Colegio Laura Wernet-Paskel

ORANJESTAD (AAN):  Dialuna 16 december e team di CLWP a organisa un actividad festivo pa nan alumnonan.

E atardi a habri cu un charla spiritual bou encargo di sr. Eltienne Yarzagaray. Eltienne a bin conta e muchanan tocante e esencia di Pasco, ken ta e luz ariba nos caminda.

            Despues tabatin diferente presentacion di e alumnonan e.o. storia, baile, tocamento y canto.

E catering tabata den man di e team di Chef Lie-Kwie. Despues di e celebracion CLWP a cer’e cu Dande cu nan mesun alumno Jaymerson Kelly.

            Staff y Personal di Colegio Laura Wernet-Paskel kier a gradici Kiwanis Club of Palm Beach cu a coopera y regala e alumnonan e cena pa e celebracion aki. Alabes un danki special ta bay na ECO DMS Aruba. Maske con duro a traha ariba e Festival di Luz, nan a logra trece alegria di ilumina scol cu luznan di color.

            Ta resalta cu Kiwanis y ECO DMS ta traha pa bienestar di nos muchanan den comunidad.

            Por ultimo team di CLWP ta desea alumnonan y nan famia, coleganan di TEAM y pueblo en general un dushi temporada di Pasco y un feliz aña nobo.