ORANJESTAD (AAN): Fiesta di Corpus Christi ta un di e celebracionnan di mas grandi den Iglesia Catolico.
Diadomingo awor, esta 19 di juni, ta ser celebra e Solemnidad di Santisimo Curpa y Sanger di Hesus Cristo den Kapel di Bethania na Noord.
E Mainta lo cuminsa cu un Santo Sacrificio di Misa na Misa Santa Anna na Noord pa 7:30 am, despues lo sali cu un procesion guia pa polis pa Kapel di Bethania na unda gruponan di oracion lo cuminsa na reza e Santo Rosario y despues lo resa Lauden. Asina henter e dia lo sigui cu diferente gruponan di oracion den Kapel di Bethania pa Adoracion y Alabanza te cu 8or di anochi, cu lo clausura e celebracion cu Verspers y Bendicion Solem.
Pastor Santiago hunto cu Pastor Daniel di Parokia di Noord y Fundacion Kapel di Bethania (FKB) ta invita pueblo di Noord y comunidad di Aruba henter, pa tuma un tempo y pasa na Kapel di Bethania diadomingo awor, 19 di juni, unda cu lo tin oportunidad pa adoracion henter e dia y compañando Santisimo Sacramento di Altar.
