Celebracion di esnan cu tabata den Mariniers Kazerne na 1973

Ex-militarnan di 50 aña pasa a reuni

ORANJESTAD (AAN): Recientemente tabata tin un reuni di militarnan Arubiano y Bonereano aki a Aruba.

   Durante aña 1973 tabata tin 3 lichting, Maart 73/1 , Juli 73/2 y na November 73/3 (50 aña pasa).

E encuentro a cuminsa cu un oracion di parti di dos colega cu a transforma den curso di tempo den profundisa nan mes den e palabra di Dios cu a hiba palabra di bendicion pa e momento di ta hunto.

Tambe por a experiencia den combersacion cu otro momento dificil cu a haci cambio den bida di algun cu sierto debilidadnan fisico di salud, esnan cu pa equis motibo no tabata por a participa den e programa, algun den exterior y lastima tambe cu a tene un minut di silencio pa coleganan cu a bay nos dilanti.

   Tabata tin un flannel di 50 aña tambe cu a worde disenja cu lo por a worde adkeri na un prijs hopi reduci cu lo sirbi como recuerdo pa cada un.

   Despues e dianan a sigui hunto a haci un recorido y bishitando diferente areanan cu a haci nos ehercisio y tambe a haci un bishita na campamento military pa asina por a mira e diferente cambionan cu a tuma lugar na a barkanan unda tabata drumi hunto.

   Tabata un fin di siman cu diferente actividad riba programa entre otro seso sport, domino, bishita na Sanicolas pa disfruta di e muralnan tambe a bishita Natural Bridge, Tierra del Sol unda un tempo tabata worde uza pa haci ehercisio di tiramento, Kapel di Alto Vista, a sera e bishita pa gradisi Dios na Misa di Parokia di Santa Cruz pa risibi bendicion di Pastor Jairo.

   Un fin di siman unda por a topa otro atrobe pa recorda momentonan duro y toch alegre cu a forma cada un di nos na su diferente manera pa sigui sirbi den nos comunidadnan.

   Nos training nan na e islanan di Aruba, Bonaire y Curacao tanto riba tereno deportivo com ehercisio den seronan y competencia miilitar cu a tuma lugar hunto pasando dia y anochinan largo.

Na final a tene un session di evaluacion unda por a gradisi nos bon Dios y cu speranza di por ripiti e reuni aki eventual na Bonaire proximamente. A desea e coleganan di Bonaire un bon biahe y pa nan cuida curpa pa tey hunto atrobe pa e proximo.