Celebracion di 70 aña casa di Chonai y Mona

ORANJESTAD (AAN) - Diadomingo dia 15 di mei 2022 tabata tin un bunita celebracion den Renaissance Convention Center pa  Chonai y Mona Feliciana cu a celebra nan di 70 aña casa.

            Esaki sigur  ta un bunita bendicion pa yega na un enlace matrimonial asina largo y pesey nan yiunan cu nan casa y famia a prepara un bunita fiesta pa nan.

            Hunto cu  nan 17 nietonan,  27 bisanietonan y un circulo familiar chikito a celebra e logro grandi aki, caminda e pareha a baila y goza di nan bunita fiesta. Un pabien ainda na e feliz pareha.