Den e temponan di antes tur documento oficial tabata keda skirbi cu pen na man.
Por bisa cu e tempo nan ey e letra tabata masha bunita y por a compronde bon kico tabata skirbi.
Tempo a bira moderno y machine di type a cuminsa haci su entrada den departamentonan di gobierno.
Na April 1906 na momento cu Jan F. Quast a bira Ontvanger (despues a Jan Quast a bira gezaghebber) por bisa cu Aruba a haya su prome “typewriter”
Na momento cu Hendrik J. Beaujon (1911-1920) a bira Gezaghebber a trece un “typewriter” pa e oficina di Gezaghebber. Aruba a haya su di dos “ typewriter”
Gezaghebber Beaujon mes tabata prefera di skirbi cu pen.
Ora cu na 1920 Gezaghebber Jan Frits Quast a tuma oficina, Gezaghebber mes tabata traha tur carta oficial y documento oficial ariba e “ typewriter”.
Den e tempo di Gezaghebber Zeppenfeldt (1901-1909) tabata tin e custumber cu Gezaghebber tabata tin ora di oficina na Santa Cruz y Savaneta. Un custumber cu a sigui durante hopi aña.
E tempo ey pa e hendenan cu tabata biba den barionan tabata dificil pa yega Oranjestad.
Compila pa Roberto Croes
Nos Historia Nos Herencia
