SANTO DOMINGO: Huez a impone un castigo di 2 aña di prison riba un muher, kende na September 2020 a kima e mannan y e parti atras di su yiu muher di 2 aña di edad, den e sector Cristo Rey di e capital.
Huez Ana Lee a dicta e sentencia despues di a scucha tur e bon y contra argumento presenta pa Fiscal y tambe e abogado defensor, y a escoge pa e bay sinta su castigo den Centro di Coreccion y Rehabilitacion Najayo Mujeres.
Durante e caso, Fiscal Lewina Tavarez a relata cu e muher a dicidi na comete e acto ora el a rabia pasobra e mucha muher ainda no a siña bisa cu e tin di bay toilet. El a comete e agresion aki dilanti di otro muchanan.
Autoridad Dominicano a haya sa di e caso aki, ora cu nan a mira potret ta circula riba Social Media y un Video cu a wordo haya pa e Conseho Nacional pa proteha muchanan (Conani).
E muher a kima e mannan di e mucha, y tambe su chanchan lagando quemaduranan serio.
