Nos custumbernan di antes
E casnan di e Arubiano di antes tabata construi di tal forma cu e cas lo haya biento fresco di noordoost.
E casnan tabata tin tres entrada cu ta na uno cu porta di dos blad na e hadrey di noord cu tambe tin dos bentana di blad na cada bandi e porta.
Na e hadrey di zuid tambe tabata tin su porta di blad cu dos bentana di blad cu ta habri pazuid di cas y na e cushina tambe tin su porta di saya cu djeki.
E cambernan tabata banda di pariba di e cas y por haya un camber na banda pabao na e cas tambe.
E parti meymey di e cas tabata e sala na unda semper e mihor muebles ta ubica y unda ta ricibi bishita special.
E cushina tabata contene su fogon y su chimene ( schoorsteen)
E tempo ey tur cas tabata tin su regenbak cu ta haya awa pa medio di un goot cu ta core na rand di dak ariba e muraya di cas ora awa yobe.
Tabata tin hende cu nan cas tabata tin pintura ariba nan pero otro casnan tabata traha simpel.
Hopi remarcabel ta cu e casnan di antes no tabata contene baño ni un toilet paden di e cas.
Na e parti pafor di cas tabata traha un cuarto pa baña y tambe un cuarto pa haci necesidad humano. Esey ta loke nos grandinan tabata yama un bestro.
Compila pa Roberto Croes
Nos Historia Nos Herencia
