ORANJESTAD (AAN): Ateliers ’89 Punto Di Beyas Arte Aruba ta presenta un serie di charlanan masha interesante, riba practicanan di arte contemporaneo.
Cuminsando Dialuna 20 di Juni te cu Diabierna 24 di Juni 2022, dicta pa e curador, docente y escritor Joram Kraaijeveld procedente di Amsterdam, Hulanda, kende ta trahando actualmente na e prestigioso Academia di Gerrit Rietveld na Amsterdam.
Den cinco charla, Joram kier trece e siguiente topiconan Arubano. Manera brass bands, democracia, mapanan, mineria, y pago di e artista. Door di cruza e relacion di ambos banda di geografia y historia, Joram ta visualisando su creacionnan di tendencianan social.
Cada charla lo wordo sera cu un muestra cortico di un pelicula artistico, na unda e ciclo di e charlanan lo wordo cera diabierna anochi cu un presentacion di pelicula riba e pantaya den e hardin di Ateliers’89. Den e ciclo di e charlanan aki lo bin na remarke un gran cantidad di pregunta interesante, cuminsando cu formacion di orkesta di brass band den siglo 19 y con esaki a wordo integra pa diferente proyectonan di colonianan Europeo riba tur e continentenan y hayando diferente nificacion den e eventonan cultural y social.
Contestanan riba e preguntanan aki lo wordo treci padilanti door di observa hunto cu Joram e trabounan artistico di e artistanan Terry Adkins, Sara Blokland, William Kentridge, Johan van der Keuken, Jompet Kuswidananto, Angelica Mesiti y Katarina Zdjelar. Y tambe lo mira e trabounan artistico di Bart van der Leck, Joris Ivens, Henry Moore, Mikhail Karakis, Richard Long, Lisa Rave y Ana Bravo Perez pa mira con e perspectiva riba mineria di e minero cu a dobla den direccion di mama tera.
Joram Kraaijeveld ta traha como curador (bishitante) na Stedelijk Museum Bureau Amsterdam, Van Abbemuseum, De Brakke Grond, Museum Dr. Guislain, Schloss Ringenberg, Gerrit Rietveld Academie, Metropolis M & Stedelijk Museum, pa exposicion individual y cu Antonis Pittas, Ruti Sela y otronan, exposicionnan tematico riba mineria na Europa manera 'Race to the Bottom'. E ta voorzitter di Platform BK y lid di Bajesdorp, a construi un bouw toren na man cu studionan pa artista y activista. Joram ta funcionando den su bida diario como docente di aña basico na Gerrit Rietveld Academie, na unda e ta lid di e Medezeggenschapsraad y voorzitter di e Programa Redactieraad Intercuriculario. Su articulonan di arte a wordo publica sin mas pa Metropolis M, Boekman y Kunstlicht. E workshop aki ta pa un siman so.
