Casi un ton di cocaina a wordo intercepta door di Zr.Ms. Groningen den Region di Caribe Hulandes

ORANJESTAD (AAN):  Zr.Ms. Groningen a intercepta casi 1.000 kilo di cocaina, durante 2 captura di droga den Region Caribe Hulandes. Esey a sosode ya caba riba dianan 11 y 12 di September ultimo, pero diahuebs a keda publica.

            Durante prome captura e sospechosonan a entrega nan mes numa despues di tironan di advertencia.

            Den ambos caso Zr.Ms. Groningen a keda informa pa un avion di patruya Mericano tocante e go-fastnan sospechoso. 

            Riba esaki e boto rapido di intercepcion FRISC a drenta accion. Abordo di esaki tabatin no solamente tripulacion di Groningen, pero tambe un delegacion di  ‘US Coast Guard’ Wardacosta Mericano.

            Durante e prome accion e sospechosonan no tabata kier a entrega nan mes facilmente. Esaki a sosode numa despues di tironan di advertencia.  Durante e di dos accion esaki no tabata necesario. Tur e sospechosonan  ademas di e total di mas o menos 985 kilo  di contrabanda, a keda entrega na e Mericanonan. Nan lo sigui cu e persecucion legal.

    Barco patruyero: E barco Zr.Ms. Groningen for di mei 2023 ta activo den Region Caribe Hulandes como barco di patruya. E barco di Marina Hulandes entre otro ta keda desplega  durante di operacionnan anti droga. Esaki e ta haci hunto cu Wardacosta Region Caribe Hulandes y Wardacosta di Merca.