Cas traha principalmente di palo a kima completo na Tanki Leendert

ORANJESTAD (AAN): E informe a drenta Diaranson anochi indicando cu tin un cas na candela na Tanki Leendert. 

Despues yamadanan ta indica cu nan no ta mira e doño pafo, pues kizas el a keda paden.

   Polis tambe a bay eynan, hunto cu Bombero di Tanki Flip.

   Nan a yega y haya e cas na candela cu vlamnan grandi ta sali.  E cas ta traha di palo, y Bomberonan a usa tactica pa bay den e Cas, y busca forma pa check si e ciudadano masculino por ta paden.

   Despues di rato e doño a yega di inicial B., kende a keda hopi desanima pa mira con su cas y tur pertenencia ta bayendo perdi.

   E cas gran parti ta consisti di palo, y biento fuerte a causa cu esaki a expande rapidamente. Bomberonan a ataca e candela di dos banda.

Huma si a causa hopi molester pa e habitantenan di e casnan pabao.