Awe nochi den Club Caiquetio ta bay tuma lugar Fire 2 The Ring

ORANJESTAD(AAN): Awe ta bay tuma lugar un evento yama Fire 2 The Ring, unda cu diferente kickboxer ta bay enfrenta otro.

Ricardo Illidge di WKA durante un conferencia di prensa a splica cu ta bay ta di 14 edicion di Fire 2 The Ring, unda cu e meta ta pa guia e talentonan hoben no di Aruba so, sino tambe di Boneiro, Corsow, Panama, St. Maarten, Colombia y Mexico.

“WKA ta trahando cu alrededor di 100 pais y nos meta ta pa scoge algun di atleta pa competi na Juni na Panama, pa e Pan American World Championship”, segun Illidge.

El a splica cu lo ta tremendo si por scoge uno di Aruba, Corsow, Boneiro, Panama, Colombia y St. Maarten pa participa na e campeonato mundial.

Durante e anochi cu tab bay tuma lugar na Club Caiquetio, ta bay tin tambe un show di modelo.