Lisette Does, director Cas Marie:
ORANJESTAD (AAN) — Directora di Cas Marie, señora Lisette Does a menciona den entrevista cu DIARIO, cu semper Cas Marie ta activo y solamente despues di Covid mester wak con e situacion ta.
E aña aki Cas Marie a pick up hopi cos cu nan tabata bezig cune prome cu Covid. Nan ta bishitando scolnan, siman pasa e clientenan di Cas Marie a bishita un scol basico, y nan a disfruta di esaki. E meta ta pa muchanan di scol ser conoci cu sernan cu demencia, cu no mester tin miedo di nan. Cu hopi amor y guia, nos por logra hopi cos positivo.
El a subraya cu den 2023 mester demostra esaki, pasobra hopi hen de ta kere cu hende cu demencia tin cu pone nan den hoeki y that’s’it, pero e no ta asina. No ta berdad cu personanan cu demencia no por haci nada mas. “Nos por haci hopi cos cu nos sernan kerido cu demencia”, señora Does a subraya.
E dama a duna di conoce cu Cas Marie ta bon, y pronto lo ofrece extra-dianan cu lo bin na vigor pa duna servicio na sernan kerido cu tin demencia y ta bishita Cas Marie. “Enberdad, nos ta bezig ta yudando mas hende, y e lista di spera semper ta keda. “Cas Marie ta bayendo den e rumbo positivo y pa e localidadnan nobo cu lo bay bin, nos ta desea di ta den tur bario”, señora Does a señala.
