Cas di Cultura a briya cu celebracion di 55 aniversario di Scol di Baile di Diana Antonette

ORANJESTAD (AAN) – Diasabra anochi a tuma lugar den Cas di Cultura, un tremendo presentacion di baile, celebrando e di 55 aña di Scol di Baile di Diana Antonette.

Un presentacion hopi varia di diferente genero di baile, unda a participa un grupo di alumnonan di tur edad, for di mucha te adulto. E sala di Cas di Cultura tabata completamente yen.

E presencia di un publico hopi grandi mes, ta riba su mes un homenahe na e gran profesional Diana Antonette, y Cas di Cultura a briya cu yen di esplendor y talento. Pabien Diana Antonette y su scol pa e gran y maraviyoso presentacion aki.