ORANJESTAD (AAN): Riba Diaranson 22 di December, organizacion OPPA a madna un carta abierto dirigi na tanto Ministro Evelyn Wever-Croes como tambe Ministro Xiomara Maduro.
E carta abierto ta indica cu Organizacion di Pensionado Publico Arubano, OPPA, ta lamenta cu Señora Minister President y tampoco Minister di Finanzas a honra OPPA cu un reaccion nba su carta di 3 di december 2021.
OPPA ta haya straño si cu Minister di Finanzas ta reacciona niba e comunicado di prensa di e organizacion VWI durante e conferencia di prensa di 20 December 2021. E minister no kier a papia mes riba e cortamento di e "gelijk bedrag" di e pensionadonan publico cu 50%. E unico cos cu e Minister a bisa ta cu e mayoria di e sindicatonan a bay di acuerdo, inclusivo e sindicato di e pensionadonan publico, pa elimina e pago di e "compensatietoelagen" entrante 1 di januari 2015.
E Minister a bisa cu firmeza cu su version ta e unico berdad.
OPPA no sa for di unda e Minister ta haya su informacion, pero loke e Minister di Finanzas ta informa NO ta berdad. Nos ta di opinion cu un coreccion di esaki ta na su lugar.
Na prome luga, no ta existi un sindicato di e pensionadonan publico. OPPA ta un organizacion cu ta representa e pensionadonan publico y ta sali na vanguardia di nan derechonan.
Na di dos luga, OPPA no a participa na e dialogo di 2014 entre gobierno y e sindicatonan. E tempo ey OPPA a exigi un participacion y e contesta di gobierno tabata cu e cambionan cu ta bay tuma luga no ta concerni esnan cu ya ta cu pensioen.
Aparentemente e Minister di Finanzas no a lesa OPPA su carta di 3 di December 2021 den cual OPPA ta haci un peticion pa gobierno reconsidera e cortamento di e "gelijk bedrag" cu 50% of el a lubida e contenido di e carta aki. Pa refresca e memoria di Señora Minister di Finanzas, OPPA kier trece dilanti loke gobierno y e sindicatonan a palabra den e dialogo di 2014. Den e dialogo aki e sindicatonan cu a firma hunto cu gobierno a bay di acuerdo pa gobierno paga e "gelijk bedrag" (y e otro compensacionnan) relaciona cu e asina yama "inhaalmanoeuvre" en conexion cu e indexacion di e añanan cu gobierno no a paga e trahadornan publico pa compensa e poder di compra.
E acuerdo aki ta mara den e "Landsbesluit compensatietoelagen overheidspersoneel" (AB 2014 no. 48). E "Landsbesluit" aki ta regla e compensacion fiho durante e periodo di 2014 to cu 2024.
Apesar cu e "Landsbesluit" aki no ta aplicabel pa e pensionadonan publico, gobierno silenciosamente y continuamente a paga, desde 2014, e "bashi premie" y e "gelijk bedrag" na e pensionadonan publico cu a bay cu pensioen prome cu 1 di januari 2015. Asina gobierno consecuentemente a compromete su mes na respeta e derechonan adkeri di e pensionadonan publico.
E cortamento di e "gelijkbedrag" di december 2021 cu 50% un bes mas a sosode unilateralmente. Esey ta un decision ya realisa. Gobierno contrario na e arculaire di mei 2020 no a anuncia e cortamento di 50%1 tampoco a pone OPPA debidamente na altura di e decision aki.
Manera un ladron den anochi gobierno a haci su trabao. Un bes mas gobierno a desapunta e pensionadonan publico y OPPA. Riba dje nos tin di bisa cu Gobierno ta laga e pensionadonan publico y OPPA den un incertidumbre pasobra nos no sa ki dia gobierno ta paga back e dos biaha di e cortamento di e gelijkbedrag cu 50% cu dos afia sigui nan a retene.
OPPA ta desea pa Señora Minister splica OPPA e motivacion cu Gobierno a uza e biaha aki pa bolbe retene 50% di e "geluk bedrag" ya cu e "Landverordening tijdelijke versobering bezoldigingen en voorzieningen overhead" (AB 2020 no. 108) no ta aplicabel pa e pensionadonan publico. Tampoco Gobierno por uza e circulaire di mei 2020 pasobra e contenido ta papia di un periodo te cu december 2020.
OPPA un bes mas, respetuosamente, ta haci un suplica na Señora Minister pa reacciona riba e carta di 3 di december 2021, cu te dia di awe a keda sin haya un contesta.
