Carolyne Kock cu videoclip nobo ‘Un Bon Pasco Everyone’

ORANJESTAD (AAN): Carolyne Kock, conoci como Carly, e Popchi di Pasco y e mucha artista di nos isla conoci pa su energia briyante,

su cancionnan di Pasco y presentacionnan tur caminda, ta trece su video musical oficial pa su cantica di Pasco 2025, “Un Bon Pasco Everyone.” Carolyne no ta desconoci den e temporada aki mirando cu ja esaki ta su di 4 cancion di Pasco. Anteriormente el a saca cancionnan manera Tempo di Pasco, Pasco Ya Bo a Yega, y Baila Cu Mi Santa Claus. Tur ta cancionnan cu a sali number 1 riba Topnan di Pasco local.

   E video alegre y yena di diversion ta capta tur e felicidad, calor humano y emocion di e temporada di Pasco, combinando fiesta moderno cu e spírito tradicional cu ta haci e tempo di Pasco special pa famia rond di mundo. Cu visualnan vibrante, baile alegre y e gracia natural di Carolyne, e clip ta duna bida nobo na e cancionnan clasico di Pasco riba un manera felis y inspirador. Nos tur gusta scucha cancionnan clasico di Pasco ora nos ta den famia, ora nos ta preparando cuminda y snack nan pa Pasco, y decorando nos cas. Y kico no ta mas dushi cu scucha canticanan di Pasco hunto den famia.

   “Un Bon Pasco Everyone” ta celebra union, bondad y e tradicion familiar cu ta hunga un papel importante den tur pais durante e fiesta di fin di aña. E mensahe di Carolyne ta simpel pero hopi profundo: Pasco ta un tempo pa comparti alegria, amor y momentonan bunita, no importa unda bo ta na mundo.

   E video musical ta disponibel awor riba youtube channel di Pitbull Singing Productions. Bo por mire na e website aki:

www.bit.ly/carpasco

   Awo ta invitando tur hende pa uni cu Carolyne pa celebra e temporada di Pasco nacemento di Hesus cu hopi alegria y e spirito festivo. Un dushi cancion pa henter famia y specialmente nos muchanan goza di dje e temporada dushi aki. Pidi e cancion aki tambe na bo emisora local faborito.