CARACAS: Pa algun siman caba, e clima na hopi estado na Venezuela a bin ta hopi nubla, cu awacero parcial ta cay.
E Instituto Nacional di Meteorologia y Hidrologica (Inameh) ta pronosticando cu durante e dianan venidero, e cantidad di nubia na parti central y parti nort di Venezuela lo keda di ta asina, debi na e interaccion di e bientonan pasaat.
Bientonan pasaat ta presente den e regionnan intertropical y ta suplando di pariba bay pabao.
E bientonan aki cu ta yena cu humedad, ta transporta calor for di e zonanan di equator pa e zonanan subtropical, reemplazando aire cayente cu aire mas frieu, dependiendo di e altura y region unda nan ta socede.
Tambe e constante presencia di nubianan diki ta restringui cu rayonan di solo ta yega tera, y esey ta pone hendenan haya e sensacion termal cu ta haciendo frieu.
Na Venezuela, historicamente semper Januari ta un di e lunanan mas frieu di aña.
Un factor cu ta contribui na e temperaturanan abao detecta ultimo dianan aki, ta cu anochi tin hopi biaha cielonan claro, pues e poco radiacion solar cu tera ta haya, ta wordo libera rapidamente durante dia, y pesey temperatura ta cay den madruga aun mas e ora.
Tamne den Januari, e bientonan pasaat ta intensifica, ademas di e hecho cu awanan riba Oceano Atlantico tropical, y di Lama Caribe ta mas cayente cu normal. Esaki ta genera mas humedad rumbo pa costanan di Venezuela.
