Polis a haci test di alcohol y di droga riba dje
ORANJESTAD (AAN): E dama Julina de Lannoy di Aruba, kende Diasabra a perde su bida riba Lago Como na parti nort di Italia, tabata hunto cu cinco amiga mas ta moviendo poco-poco den nan boto cu nan a caba di huur pa un paseo.
Capitan burachi: Aki ta unda cu un otro boto cu un homber di 44 aña na stuur, a bin dal violentamente cu hopi velocidad riba nan. Informacion nobo cu a drenta ta cu e homber aki ta burachi, y pesey el a keda hospitaliza pero cu vigilancia policial.
Ora cu e informacion a cuminza circula cu e persona cu a ocasiona e accident fatal tabata bao influencia, a trece hopi reaccion di rabia cu su bebemento fo’i control a pone un dama tan stima perde su bida.
For di prensa Hulandes, por a nota cu Julina de Lannoy ta un docente di baile, y ta hopi conoci na Amsterdam. Julina mes ta trahando awor na Bruselas (Belgica) pa e compania HEMA.
Ta un tiki lastima cu prensa Italiano na prome instante a hasta trata na “pinta” e capitan burachi como un heroe, relatando cu e homber ey di 44 aña a purba na salba bida di Julina. Pero awor a sali na cla cu e tabata burachi, y ta hospitaliza pero bao vigilancia policial.
Hopi bon relato a circula tur caminda, con bon e ‘aura’ di Julina ta. E ta un persona hopi social, yen di positivismo, y ta hopi social cu facilmente e ta cera amistad. Na Aruba den pasado e tabata biba na Bubali. Na tur su famia y amigonan, ta bay palabranan di pesame na nan.
