“Capes for a Cause” di Cruz Cora Aruba a demostra e poder di colaboracion y solidaridad den comunidad

ORANJESTAD (AAN): Cruz Cora Aruba ta mira bek cu hopi gratitud riba un anochi exitoso durante e evento pa recauda fondo “Capes for a Cause”, cu a tuma lugar diasabra ultimo.

E evento a trece diferente hende den nos comunidad hunto , companianan local y sostenedornan cu un meta comun: contribui na bienestar di nos comunidad.

Cruz Cora Aruba kier expresa su sincero agradecimiento na tur persona y empresa cu a mustra nan apoyo door di cumpra ticket y participa activamente. Danki na nan generosidad, nos lo por sigui realisa diferente proyecto pa comunidad  cu ta enfoca riba alivio di sufrimento humano y fortalece e capacidad di nos isla pa recupera di cualkier calaamidad.

Un agradecimiento special ta bay na sponsor principal, Romar Trading, y partner XPress Events, pa nan apoyo valioso y colaboracion profesional den e organisacion di e evento.

Tambe Cruz Cora Aruba kier gradici Ruth de Cuba y su team pa e tapas delicioso y servicio excepcional cu a contribui grandemente na e experiencia positivo di e anochi.

Ademas, Cruz Cora Aruba ta reconoce y gradici tur sponsor di doorprize pa nan contribucion generoso.

“Capes for a Cause” a demostra e poder di colaboracion y solidaridad den nos comunidad. Cruz Cora Aruba ta comprometi pa sigui traha hunto cu comunidad pa crea impacto positivo y duradero.