ORANJESTAD (AAN): Den fin di siman, Sindicato Federacion di Trahadornan di Aruba (FTA) y hotel Barceló Aruba a firma otro contrato colectivo.
Despues di algun un negociacion intensivo, partidonan a logra yega na otro riba ahuste di e condicionnan di trabao di e empleadonan.
Enfoke di FTA durante e negociacionann tabata fortificacion di e poder di compra di e trahador por medio di aumento di e salarionan. Banda di ahuste di algun beneficio secundario a logra un aumento structural di salario di 11.75% den 4 aña, cual aumento coregi cu e efecto cumulativo di e aumentonan anual ta hiba na un aumento total di 12.3%.
E cooperacion entre FTA y Barcelo ta uno cu a origina hopi decadanan pasa tempo di Americana Hotel, sigui despues pa Allegro Resort cual a bira Occidental Hotel y actualmente ta forma parti di e grupo hotelero Barceló.
FTA kier a gradici tur esnan cu a forma parti di e equipo negociador. Nan delegadonan, nan negociador Sr. Rudy Geerman, Gerencia di Barceló y muy en especial e miembrecia, kendenan a sa di pone nan confianza den e organizacion pa representa y defende nan derechonan laboral.
