Rubin Ponson di DOW:
ORANJESTAD (AAN): Temporada di Pasco y fin di aña ta eynan mes. Ya caba ta conoci cu e aña aki lo haya un cantidad di 15 container di clapchi. E bendemento di clapchi tambe ta algo cu ta bay segun procedura, asina Rubin Ponson di DOW a indica.
El a bisa cu pa loke ta bendemento ta bay cuminsa haci peticionnan y asina cu esaki ta andando lo yama e personanan interesa den e benta di clapchi pa sinta cu nan manera tur aña y splica nan riba e reglanan cu tin, wak si tabata tin cosnan cu a pasa den e aña prome pa wak con pa drecha nan.
Ponson a remarca cu e ultimo añanan a bay basta bon. Mester keda cu e controlnan pa garantisa e seguridad pa comunidad den e temporada aki.
E comision di vuurwerk no ta limita, a indica, e cantidad di container cu ta wordo importa ya cu tin 'free enterprise' na Aruba. Nan si por recomenda riba locual por wordo importa. Nan ta bay wak si cu loke a wordo importa con por controla esaki na un mihor manera.
Semper ta resta clapchi y esey ta loke semper kier evita. Loke cu sobra hopi biaha si e no por wordo bendi, segun e maneho di clapchi ta cu tin cu sak'e for di circulacion y pone esaki pa wordo destrui, a remarca.
Te cu awor e fechanan pa cuminsa cu e benta di clapchi no a cambia y esey ta di 27 di December te cu 31 di December. E orario pa stop e benta tur dia ta 9 pm, a señala.
