ORANJESTAD (AAN): Crisis Team a indica diahuebs cu 13 persona a recupera, mientras cu a registra un total di 6 caso nobo di Covid-19, di cual ningun ta no-residente.
E cantidad total di testnan ehecuta diaranson na e diferente localidadnan na Aruba, entre otro laboratorio di hospital, laboratorionan priva y aeropuerto ta 486 test.
'Positivity rate' entre residentenan ta 7%.
Casonan activo ta 70 (53 residente). E cantidad di fayecido relaciona cu Covid-19 ta 107.
Hospital a informa cu tin un total di 5 persona interna cu COVID, di cual tur 5 ta riba piso general. Den ICU no tin ningun persona COVID positivo pero si 4 Post-COVID y 6 Non-COVID.
