Catherine Midi, Coordinadora di actividad di FAVI
ORANJESTAD (AAN) – Den entrevista cu Matutino DIARIO, señora Catherine Midi, Coordinador di Actividadnan, a indica cu aña 2025 a bay hopi bon pa FAVI (Fundacion Arubiano di Esnan Visualmente Incapacita).
El a expresa cu tin cosnan cu por a bay miho, pero por traha riba nan e otro aña, pero e ta haya cu e aña aki a bay hopi bon.
“E aanmeldingnan ta creciendo; cada rato nos ta haya mas persona cu tin limitacion di bista, cu di mes ta bira clientenan di FAVI”, Catherine a relata.
E dama a agrega cu FAVI no ta cobra nan clientenan nada ni pa ningun servicio cu e fundacion ta duna nan.”Mi ta spera cu esaki por sigui asina. Nos ta depende di e fondonan p’asina nos por busca nan, trece nan haci actividad, organiza fiesta tambe durante e aña”, Catherine a señala.
Comunidad por yuda FAVI y por comunica via nan website. Busca den facebook: FAVI Primavera, den dje por haya e link di nan website, e ta hiba bo di biaha na e parti pa haci donacion, y e ora ey e ta yega cerca e fundacion, pa nan por sigui brinda servicio.
