Casonan activo ta sigui baha y awor tin solamente 151 caso activo
ORANJESTAD (AAN): Crisis Team a indica diadomingo cu 17 persona a recupera, mientras cu a registra un total di 19 caso nobo di Covid-19, di cual 8 ta no-residente.
E cantidad total di testnan ehecuta na e diferente localidadnan na Aruba, entre otro laboratorio di hospital, laboratorionan priva y aeropuerto ta 666 test.
'Positivity rate' entre residentenan ta 19 %.
Casonan activo ta 151 (113 residente). E cantidad di fayecido relaciona cu Covid-19 a aumenta na 100. Forsa na famia di e fayecido.
Hospital a informa cu tin un total di 21 persona interna di cual 9 ta den Cuido Intensivo y 12 riba unidad general di Covid.
