Cantante y Poeta Lily Clarisa su rock band nombra como ‘Beste Haagse Release van 2024’

ORANJESTAD (AAN): Bon noticia for di Tera Frieu!  Riba 31 di December 2024 cu a pasa,

e banda ‘Lilith Left The Garden’ bao guia di e cantante y poeta Lily Clarisa, a ricibi e reconocimento como Beste Haagse Release 2024 pa su debut ‘Cigarettes After Sex’.  E nombramento a wordo haci door di redaccion ‘3 voor 12’ na Den Haag.

   E nomber di e punkrockband aki ‘Lilith Left The Garden’ ta un inspiracion di e figura mitologico Lilith, cu a bandona e Hofi di Eden den rebeldia contra sumision, como simbolo pa autonomia y emancipacion. Nan musica ta revela e temanan aki pa medio di e energia crudo cu ta resalta y letra cu ta pone bo pensa, combina cu e presentacion cu ta hiba bo den su gara.  Por haya detaye riba website:

www.too.fm/cigarettesaftersex

   E ta hiba bo na un buskeda pa descubri bo mes, libertad personal den un mundo patriarco y resistencia social mira atravez di un lens post-feminismo.

   DIARIO ta felicita Lily Clarisa cu e logro aki, sperando cu mas premio y elogio lo sigui drenta p’e y e grupo.