Cantante Daniel Castro di vallenato a sobrevivi accident den cual su manager a fayece

VALLEDUPAR: Un accident di trafico a wordo registra, despues cu e cantante vallenato Daniel Castro a participa den Festival de Compositores na Patillal na Valledupar.

   Na stuur di e Toyota Hilux Doublecab pickup blanco tabatin su manager Jorge Santana Cañizares di apenas 22 aña di edad, kende a perde su bida, mientras cu Jorge Castro y 3 persona mas a resulta herida.

   Emmanuel Bolivar kende ta Hefe di Polis di Trafico di departamento di Cesar, a bisa cu e accidente a socede debi cu e chauffeur di e Toyota Hilux a bay den e via di direccion contrario y a dal contra un motorcycle, y el a purba di evita esey, y asina el a perde control riba e pickup.

   E manehador di e motorcycle a bay dal contra un palo di mata, y el a ricibi herida serio na su heup, cara, y parti mas ariba y abao di su curpa.

   Docter cu a constata morto, a bisa cu Jorge Santana Cañizares a muri ora cu el a haya golpi fuerte na su craneo, combina cu heridanan grave na diferente parti di su curpa.  Ta parce comosifuera e no tabatin seatbelt bisti.

   E cantante Daniel Castro a wordo transporta pa Hospital di Valledupar cu heridanan na su cabez, garganta, banda drechi di su curpa, y varios corta na diferente parti di su curpa cu tabata sangrando.