Cantante Blaka Dan a bira e Ultimate Soca Champion pa 2025 den Caribe

Diadomingo awor tin parada na isla di Grenada

ORANJESTAD (AAN): E competencia di ‘Ultimate Soca Champion’ a tuma lugar recien na Trinidad & Tobago.  E tabata fuerte, y na final ta e representante di Grenada, esta Wrenroy Ogiste, conoci pa su nomber artisticulo ‘Blaka Dan’ a bira ganador.

   Diadomingo awor dia 9 di Maart, ta planea un parada di victoria y bon bini na isla di Grenada, pa festeha e hecho cu nan a logra bay cu e titulo di mihor cantante di Soca den Caribe pa 2025.  Cu esaki, Blaka Dan a gana e premio cash di 1 miyon Dollar di Trinidad (cu ta como 265 mil Florin Arubiano).

   E Parada lo cuminza pa 8:10 am, y ta wordo organiza pa Ministerio di Turismo, hunto cu Spice Mas Corporation.

   Ministro di Turismo, Adrian Thomas, a bisa cu enberdad nan a haya un carta di aprecio di cantante Ogiste.  El a extende su gradicimento pa e sosten increibel pa cu su participacion den Ultimate Soca Champion 2025.

   E cantante a splica cu su vision ta pa desaroya su forma di canta y actua riba escenario, den un forma di arte pa su comunidad, y di e forma ey kier duna guia na talentonan artistico hoben cu mas sosten di Ministerio.