Candidatanan di Aruba a sali pa certamen na Republica Dominicana

ORANJESTAD (AAN): Den fin di siman, e cuatro candidatanan di Aruba a sali rumbo pa Republica Dominicana, pa representa e isla den certamen di Festival del Talento & La Belleza Internacional 2022.

   E promotor local, Chastity Kock di Chaz Models a mustra cu nan tin hopi fe cu tur cos lo bay positivo pa nan den e certamen aki, prome cu nan a subi avion di AirCentury rumbo pa e pais di merengue.

   Nan ta bayendo cu e candidata Thaheely Geerman di 8 aña, kende ta Mini Modelo Aruba 2022.  Tambe cu candidata Maya Gordon di 12 aña, kende ta Pre-Teen Model Aruba 2022.   Tambe e candidata Anabell Bislip di 14 aña, kende ta Beautiful Aruba 2022.  A viaha tambe e candidata Tanique Chan di 18 aña, kende ta Teen Model Aruba 2022.

   DIARIO a compronde cu e delegacion a yega bon, y a sali despues rumbo pa Hotel Costa Dorada Beach Resort.