Na Juli 2021: - * Bestaansminimum tambe a subi
ORANJESTAD (AAN): Oficina Central di Estadistica ta presenta e resultadonan principal di e Indice di Prijs di Consumo (CPI) pa luna di Juli 2021.
Esaki ta mustra cu e canasta di consumo di e CPI ta consisti di 408 bienes y servicionan. Compara cu Juni 2021, 49.0% di e bienes y servicionan aki a conoce un aumento di prijs causando un efecto di 1.15 ppt, mientras cu 35.3% ta mustra un caida di prijs, cu a contribui cu un efecto di -0.70 ppt y pa e restante 15.7% no tabata tin cambio den prijs.
Prijsnan di bienes a subi cu 0.8% y a causa un efecto di 0.44 ppt. Prijsnan di servicionan a conoce un subida leve di 0.03% y a causa un efecto di 0.01 ppt riba CPI di Juli 2021.
Core inflation
E CPIC (core inflation) - CPI excluyendo e efecto di energia y cuminda - a registra na Juli 2021 un caida di 1.4%. E indice di energia - cu ta consisti di e productonan: electricidad, awa, gasolin y diesel a registra un caida di -0.9%. E indice di cuminda a registra un caida di 2.3%.
Bestaansminimum
E bestaansminimum pa un hogar consistiendo di dos (2) adulto y dos (2) mucha (edad 0-15 aña) na Juli 2021 ta Afl. 4,815, un subida di Afl. 55 compara cu Juli 2020 (Afl. 4.760). E bestaansminimum pa un hogar di un (1) adulto ta Afl. 2,293, un subida di Afl. 26 compara cu Juli 2020 (Afl. 2.267).
