Caminda di Cruz diferente di Pastoral Hubenil Aruba

ORANJESTAD (AAN):  Diasabra ultimo, e comision di hobennan cu ta cay bou di Pastoral Hubenil Aruba (PHA) a

organisa un Caminda di Cruz diferente pa hobennan di pastoral hubenil, mayornan, lidernan di e diferente parokianan y pueblo participa. A sali 6’or di mainta di e parkinglot dje Santana di Sabana Basora, pasa un parti den Parke Nacional Arikok y caba bek n’e parkinglot.

            E hobennan mes a stipula e ruta, traha material pa e 14 stashinan, scoge oracion, cantica di pasion di Cristo y a prepara tur cos necesario pa bay cana e Caminda di Cruz den nos naturalesa reflexionando riba morto di Hesus y preparando nan mes pa Semana Santa.

            Tur e hobennan cu a participa, a lanta mainta trempan yen di animo, a carga e cruz cu curashi di stashi pa stashi y a medita riba tur locual Hesus a pasa aden, di su agonia te ora el a muri riba cruz pa pordon di nos picanan, demostrando asina e amor incondicional y infinito cu E tin pa nos tur. Tambe e hobennan a pidi Hesus pa yuda nan fortalece nan fe.

            PHA ta gradici un y tur cu di un forma of otro a coopera cu nos hobennan pa haci e Caminda di Cruz “Ban Cana Cu Hesus” un exito!