Directie Natuur en Milieu (DNM)
ORANJESTAD (AAN): Directie Natuur en Milieu (DNM) ta informa comunidad cu e sesion di consulta publico cu tawata planea pa diaranson 11 di november, ta cancela.
E consulta publico aki pa e iniciativa Aruba 30x30 a wordo posponi y lo tuma lugar riba Diahuebs 19 di november 2026 pa 6:45 PM te cu 8:45 PM, na MFA Santa Cruz.
Durante e encuentro aki, esnan presente por haya sa mas tocante e compromiso di Aruba pa proteha 30% di su areanan marino pa aña 2030 y comparti bo perspectiva. Bo opinion ta un parti esencial di e proceso aki y ta yuda guia e proximo pasonan pa designa e areanan marino protegi legalmente.
Ademas, e encuesta ta disponibel online, e ta habri y disponibel te cu 27 di november 2026. Pa mas informacion y pa yena e encuesta, por bishita www.aruba30x30.com.
DNM ta gradici e comunidad pa nan comprension y ta spera di conta boso presencia riba diahuebs 19 di november na MFA Santa Cruz.
