MAICAO: Autoridadnan di Polis hunto cu funcionarionan di Aduana Colombiano,
a logra di intercepta un cargamento grandi di cigaria di contrabando na e ciudad di Maicao. Tur e cahanan aki a wordo haya scondi den un cas, y su balor riba caya ta di 120 miyon Pesos Colombiano (similar cu 50 mil Florin).
E cigarianan aki ta di diferente marca, y tur ta bin for di exterior.
Nan a descubri esaki despues di un investigacion di Ministerio Publico, y oficialnan investigativo di Aduana, y asina nan a yega na un adres cu ta situa den area di Uribia na Maicao.
Den e cas a bin haya un total di 93.000 paki di cigaria, y tur di esaki a wordo confisca como cu no tin ningun documento oficial di importacion di Aduana pa por a drenta legalmente den Colombia.
E investigacion awor ta bay profundiza ta con nan a logra di drenta cu e cargamento aki den teritorio Colombiano. Tres persona a keda deteni.
