Ingrid Croes, Mentor y instructor na FMTB:
ORANJESTAD (AAN) –Ingrid Croes, mentor hunto cu Stella Geerman, di adultonan mayor na FMTB, a reitera den entrevista cu DIARIO, cu nan tey pa duna instruccion na e clientenan pa nan sigui cu e tarea. Den e caso aki nan a duna tayer di trabao organiza pa “Hunto Grandi, Grandi Hunto” titula: “Con pa tene buki”.
Ingrid a expresa cu con cu bo mire cada miembro tin derecho di sa cu e placa di contribucion, of e placa cu a haya como donacion, etc., na unda ta bay y kico ta wordo gasta. “Pues, e wowo ta basta skerpi, no di nos so pero di e demas miembronan cu tur lo kier sa kico ta pasa cu nan placa. Den e tayer di trabao a duna nan tools con pa tene buki, ki ora of si tur ora mester saca copia di tur cos. Kiermen, e conocemento basico”, Croes a subraya.
Ingrid Croes a menciona tambe cu tur miembro ta yuda otro y no ta importa di cual grupo un persona ta, e por acerca otro gruponan, pero Stella cu su persona tey pa yuda. Y tambe ta asina cu tin reunionnan pa duna detaye di entrada y gasto cu tambe mester tuma lugar.
{gallery}Cada miembro, adulto mayor, tin derecho di sa unda nan placa di contribucion of donacion ta bay{/gallery}
