Aruba Lions Club ta instala directiva nobo pa 2023-2024

ORANJESTAD (AAN): Manera ta costumber Aruba Lions Club cu ta un club sirbiendo comunidad pa mas cu 75 aña,

a re-eligi su presidente Lion Rubin Ponson pa asumi e funccion pa un aña mas y mescos su directiva pa e mayoria lo ripiti pa un aña mas den 2023-2024.

   E miembronan pa e directiva ta Ln.Roccini Anthony (vice-presidente), Ln.Magaly Dijkhoff (secretaria), Ln.Magaly Franken (tesorero), Ln.Danny Maduro (Director 2 Year), Ln.Bibi Arends (Director 1 Year), Ln.Liza Roberts (LEO advisor), Ln.Igor Croes (Tail twister), Ln.Derrick Dijkhoff (membership chairperson), Ln.George Winterdaal (Marketing Chairperson) y Ln.Jacky Dubero (Lion Tamer).

   Den un anochi ameno entre e miembronan y tambe invitadonan di otro clubnan di servicio, a ricibi reconocemiento for di Lions Club International algun miembro pa nan añanan como leon.

   A keda anuncia cu a cumpli 25 aña den Lions Club Ln.Randall Croes y Ln.Marlon Croes.

   Esnan cu 35 aña den Lions ta Ln.Jacintho Chinto Tromp, Ln.Carlos E. Maduro y "Past Council Chairperson" Ln.Frank H. Croes, y esun cu a ricibi su chevron pa 45 aña den Lions Club ta Ln.Maiky Croes.

   Den e anochi aki sigur tabata tin mas momento di alegria despues cu a instala 4 miembro nobo cu a uni cu e grupo di voluntarionanan den Aruba Lions Club cu ta, Ln. Sheila S. Maduro, Ln. Alina v/d L'isle, Ln. Julitza Croes y Ln. Humphrey Croes.

   For di e presidente Ln.Rubin Ponson a concede como muestra di aprecio un recuerdo na dos miembro cu tabata e conseheronan pa su aña leonistico, ta District Governor Ln. Ivan Croes y Past Council Chairperson Ln. Frank H. Croes.

   Tambe e presidente a otorga un otro recuerdo como muestra di aprecio na un di e miembronan "Life Member" cu tabata esun mas activo y cu mas reunion atendi, cu a bay pa Ln. Robert "Chobby" Croes.

   Despues di esaki Aruba Lions Club e reconoce su "Rookie of The Year" cu a bay pa Ln. Kenneth Croes y despues e "Lion of The Year" cu a bay pa Ln. Liza Roberts.

   Un palabra di pabien pa tur e leonnan cu a ricibi nan premio, mescos pa e miembronan nobo cu a uni pa haci e bunita trabao voluntario y nos ta desea tambe e directiva nobo di Aruba Lions Club hopi exito den e aña leonistico aki.