E meta ta pa comunidad tin e APP riba nan celular
ORANJESTAD (AAN): Bureau Rampenbestrijding Aruba a informa comunidad di Aruba riba e sistema di alarma Alert FM.
E meta ta cu pa luna di juni mas cu 80% di e comunidad di Aruba tin e app aki riba nan telefon celular.
Pa medio di e sistema di alarma Alert FM comunidad completo cu tin e APP aki riba nan telefon por haya informacion riba cualkier caso di emergencia cu ta importante pa nan ta na altura di dje.
E APP ta pa duna informacion di un situacion pa cual mester alerta e comunidad di Aruba, manera:
- Aviso pa evita di pasa cierto caminda pa motibo conexion di un incidente;
- Aviso pa motibo di un candela grandi caminda cu tin posibilidad toxico;
- Aviso den caso di un posibel tsunami; Aviso pa den un caso di temblor;
- Aviso general pa cualkier tipo di incidente di emergencia cu por presenta na Aruba
Pa Aruba e Alert FM ta traha pa 2 grupo cu por ricibi e mensahe riba nan celular. Logo Sistema di alarma ALERT FM
Grupo 1 ta e comunidad di Aruba, cual ta informacionnan general cu ta regarda e comunidad completo.
Grupo 2 ta pa solamente personal di:
- Cuerpo di Bombero di Aruba;
- Cuerpo Policial di Aruba;
- Departamento di Salud Publico di Aruba;
- Departamento di Asunto Social.
- E personanan den grupo 2 ta ricibi informacion cu ta concerni nan departamento .
Solamente e siguiente departamentonan por manda un mensahe pa e comunidad completo di Aruba cu tin e app Alert FM riba nan celular:
- Cuerpo di Bombero di Aruba;
- Cuerpo Policial di Aruba;
- Departamento di Salud Publico di Aruba;
- Departamento di Asunto Social;
- Departamento di Meteorologico Aruba;
- Bureau Rampenbestrijding Aruba.
E mensahe cu nan por manda lo ta un mensahe directamente pa informa/alarm e comunidad, nan respectivo personal of ta manda pa informa / alarma un otro departamento di cual lo tin mester di nan sosten of pa informa nan di un situacion.
Alert FM su APP bo por download riba bo aparatonan sea un Iphone of Android.
Aki ta sigui e procedura cu lo tin cu sigui pa download e app di Alert FM.
Habri bo play store (pa android) of app store (pa Iphone) y busca Alert FM.
Ora bo haya e app di Alert FM bo ta primi riba e boton di install y automaticamente e ta cuminsa instala e app.
Ora e caba di instala bo ta haya skirbi uninstall of open. E ora bo ta primi riba e boton di open pa asina e ta habri e app.
Aki bo ta haya e pregunta si bo kier pa Alert FM agrega bo location bo ta primi allow.
E ta habri un pagina caminda ta pidi un code y ey den ta yena e number 99888 y primi enter.
Ta bin aparece e nomber Aruba y na e skina di ariba na man drechi ta bin e palabra done. Ta primi riba done y asina e aplicacion Alert FM ta riba bo celular.
Awo cu bo tin e app Alert FM bo ta cla pa ricibi mensahenan via e app aki. E app aki ta solamente pa ricibi informacion / alarma y no lo por manda mensahe of un contesta bek.
App di Alert FM pa e departamentonan
Pa bo download e app aki pa asina bo por ricibi informacion / alarma cu ta concerni bo departamento, mester pasa cerca e persona asigna kende lo yena e codigo specifico di bo departamento.
Codico pa publico general ta 99888 ( cual ta codigo pa Aruba)
