Bunita pa mira con companianan local ta yudando muchanan den vakantie camp

ORANJESTAD (AAN): E dianan aki tin cantidad di vakantie camp rond di Aruba.  Muchanna gozando di nan vacacion.

   DIARIO a tuma nota, cu recien e muchanan di Kids R Kids Camp riba tereno di Scol Preparatorio Arco Iris, a nota cu e compania Nagico y su Road Service a duna un presentacion tambe.

   Muchanan por a siña kico tur Nagico su Road Service ta asisti cune den caso di emergencia den trafico y tambe na momento di accident.

   Asina e muchanan por a siña un tiki mas acerca di seguro y e importancia pa tur hende ta segura riba caminda. Nan a ricibi splicacion di loke e trabao di un asistente di Road Service ta consisti di dje, sea durante caso di accident of si un persona a lock yabi den auto, tin flat tire, falta di gasoline, etc.

   “E ta importante pa nos muchanan por conoce un tiki mas di con Nagico su Road Service ta asisti ora cu yega na situacionan cu auto di nan mayornan of conocir tin un emergencia. Asina e muchanan por expande nan conocimento y ta mas conciente pa loke ta seguridad den trafico” Rhona Noguera di Marketing a splica.