Bunita apertura di e Rotonde di Mama Rosa cu tema “The Grinch”

ORANJESTAD (AAN) – Señora Ritsma Croes, hunto cu su rumannan a traha masha duro,

pa brinda comunidad un bunita “Rotonde di Mama Rosa” decora pa Pasco 2024, y temporada di fin di aña y Aña Nobo.

E tema cu a scoge e aña aki ta “The Grinch” pa trece algo diferente, mas tanto pa e muchanan. Asina señora Croes a menciona pa DIARIO, durante e apertura oficial di e rotonde. E ta keda habri pa publico for di awo te dia 6 di januari, anochi di 7’or pa 12’or. Tur fin  di siman lo tin co'i come y bebe, y nan ta purbando toch pa organiza un anochi mas cu ambiente di musica.

E anchi di inauguracion tabata tin un par di mucha cu a saca nan cancion di Pasco, tambe muchanan di Mama Rosa a haci nan presentacion, pa finaliza cu “Las Unicas”.